金鶴拉麵 (荷李活道) (Closed)

星期五當然要食好d啦，但因為天氣太熱又唔想行太遠， 於是就近近地去荷里活道金鶴拉麵買外賣返公司食。是日麵餐北海道極濃蟹湯拉麵， 雞白湯拉麵， 餃子，炸雞。北海道極濃蟹湯拉麵， 餐廳好細心， 將麵同湯分開， 唔會浸到個麵漲哂， 我一向都係鍾意食硬麵， 分開裝就啱哂了。攞到返公司食，以為個湯會凍左， 但點估到重熱氣騰騰， 將湯倒落個麵到d蟹肉浮哂出黎，真係要快d食啦。 蟹肉拉麵d蟹肉又多又新鮮， 有咸咸地海水味， 入口一絲絲蟹肉喺口裡面陪迴，真心好味。义燒大塊，又有少少肥肉，口感一流。雞白湯拉麵， 雞白湯的湯真係皇牌， 無得輸， 食材跟蟹肉拉麵差不多， 但雞湯味較蟹肉拉麵濃味， 當湯飲都不為過。餃子，炸雞正正常常， 餃子有4隻， 脆皮有肉汁， 炸雞亦炸得外脆內軟，有肉汁流出， 食時要小心， 避免比肉汁彈中。金鶴拉麵一定返轉頭。