Tokyo Milk Cheese Factory (Closed)

不時喺商場會見到間野嘅蹤影，主要出品芝士蛋糕、芝士餅，早輪喺朗豪坊開咗第一間cafe可以堂食，其實地點好方便我地，但種種原因硬係食唔到。(一向out) 反而嗰黎到希慎，見呢個counter都有雪糕，一於試埋配合cafe開幕，同時推出cow cow iced牛奶芝士軟雪糕，三款口味，芝士、牛乳、兩溝，分筒裝、杯裝，定價$40-48，筒裝比杯裝貴5蚊，因為連雪糕筒都有芝士製作，但杯裝又會多塊芝士餅。北海道牛奶芝士 $48雪糕筒偏長身，所以視覺上覺得幾大杯，不過並冇唧到最底，大約淨番手指尾咁長係空心嘅。雪糕揀左兩溝，可見芝士嗰邊較實淨，口感結實順滑，牛奶雪糕接過手好快已經開始溶化，水廖廖。雖然係北海道牛乳，但存在感略低，食左幾啖已經唔覺有牛奶味芝士雪糕反而有點驚喜，高達只是加上忌廉芝士混合，其實都算幾明顯突出如果太高濃度，反而會鹹同膩。芝士味雪糕唔係食過好多次，最近已經係珠海麥當勞食嘅紐約芝士新地筒，好難食，哈。雪糕筒都幾有誠意，加入芝士製成，除左夠脆，仲有陣鹹香，好似食緊品客薯片。雖然呢杯野要48蚊，一試都無妨啫