金樂軒雞煲魚鍋

Open Now

Now Closed

朋友話呢間嘅小菜夠晒地道，而且價錢親民，所以收工過嚟試吓，見到餐廳入邊都係一班班朋友嘅聚會，適合大夥兒聚會。酸菜鮮魚鍋店員話湯底係用魚湯熬成，而魚片係用上鱸魚，魚片份量好多，而且每一塊都好滑，只有少量魚骨，可以選擇辣到，我嗌咗小辣都唔會覺得太辣，味道恰到好處。黄金蝦球蝦球爽口彈牙，每一隻都被鹹蛋黃包裹住，炒得夠晒乾身，一碟大約有八隻蝦球，超級推介！熗炒包心菜包心菜即係椰菜，炒得好惹味，有少少辣，平時鍾意食回鍋肉入邊嘅椰菜嘅話就啱晒！涼拌海蜇餐廳用上海蜇頭，主要用麻油涼拌，海蜇非常爽脆，而且份量都唔少，小菜嚟講非常抵食。竹蔗茅根因為朋友揸車所以冇嗌到啤酒，估唔到呢度有自家製嘅竹蔗茅根，仲有得揀大或者細size，兩個人飲嘅話細size已經好足夠，大約每人飲到兩杯多啲，非常清涼，而且唔會太甜。