酒盗 (Closed)

今日去咗北角呢一邊搵食 上網搵打算去呢一間居酒屋 佢嘅地址位於北角錦屏街23號地下，地鐵站行出去好快就到，地址亦都唔難搵。我哋就預約咗19:15，去到核對資料之後店員都馬上安排我哋入坐。餐廳嘅裝修簡單，大概只有10個位置，係典型嘅日本居酒屋裝修，店員亦都問我哋係咪第一次嚟，為我哋介紹返今日特別嘅嘢食 本身佢推介我哋叫日本生蠔，可惜朋友唔係好啱食我哋就單叫左幾件壽司，少少串燒同埋炸物 其中值得推介係佢既海膽壽司同帶子壽司。海膽壽司食得出材料非常新鮮，份量亦都絕對唔手軟。帶子就有鮮甜嘅味道，大大粒非常滿足 炸雞軟骨，作為前菜配啤酒亦一流我哋每人叫做一支Orion大啤酒，埋單每人大約$250