岱民北角店

Open Now

Now Closed

北角嘅岱民店真係好誇張，以$25蚊嘅價錢竟然有接近40款嘅小菜供客人任選兩款小菜連白飯，簡直令人咋舌😳。小菜嘅款式非常之多，肉類及瓜菜類嘅分佈好平均，唔會側埋一邊。我當晚去到馬寶道嘅岱民買飯，我都真係睇咗好長時間先至決定到買邊兩款餸🤣。到最後我揀咗椒鹽豬扒同豉汁豆卜蒸排骨配白飯，兩款小菜都非常好味，調味恰當，唔好偏鹹。除咗我揀嗰兩款小菜之外，仲有好多小菜款式，但真係冇辦法，要喺接近40款嘅小菜入面揀兩款，真係會令人頭痛。