幸拉麵 (Closed)

放工過嚟約朋友, 試下呢間新開嘅拉麵店.以木為主夠清新, 側邊有水可以自由斟。bar枱後面見到大雪櫃, 同埋一個好似淆緊湯嘅巨型大煲.菜單只有拉麵沒有小食, 一間專賣拉麵嘅小店. 與朋友點了不同湯底嘅拉麵.黑豚即黑蒜味, 比豬骨湯更濃烈. 有兩塊大嘅豬肉, 豬肉質素當然有番咁上下.傳統豬骨湯, 似乎真係淆出嚟, 係可以飲得嘅湯底. 每碗拉麵有筍干，木耳，紫菜，葱，半熟蛋，基本足料。加木耳及筍干，都係$10碟，幾大碟。食完仲送咗兩粒薄荷糖糖畀我哋, 食完黑蒜湯底啱唒.