Studio Caffeine (和富道) (Closed)

今日約左港島東朋友食個lunch~佢介紹我黎呢間 Studio Caffeine ，原來北角呢間已係第三間分店！如果坐到窗口位係唔錯～～～ 慢煮牛肋骨肉醬寬帶麵呢個牛肋骨用上低溫慢煮方式烹製，除咗能令牛肋肉嘅肉味肉汁完美鎖緊之外，仲能令肉質嫩得更軟嫩，入口有綿滑嘅口感。而寬帶麵係自家手工做，所以食落更彈牙同埋有嚼勁，仲吸收哂醬汁嘅精華添。講起醬汁佢哋用咗紅酒，所以同牛肋肉嘅味道好夾，亦可以突出肉嘅味道。黑虎蝦細扁麵黑虎蝦隻隻都好大隻之餘，肉質彈牙又爽口，而佢嘅醬汁用咗法式濃汁，好濃嘅蝦味，又好掛麵，而且醬汁入面仲加咗自家製嘅蝦膏油，令其更為甘香，最後喺擺盤方面仲加添蘆筍，令我整體感覺更加清新。飲品點咗杯 Mocha同抹茶Latte ，兩杯飲品嘅拉花都好靚，前者濃香咖啡味入口順滑，後者有陣陣茶香，飲到有茶味嘅回甘。