嚐喜大不同特式餐廳小廚 (Closed)

Christmas Day 同女友行左成日街，夜晚飯前去按摩完想食返啲暖身野，點知盲鐘鐘俾我哋去到呢間一直想試嘅嚐喜大不同特式餐廳小廚！由於我地兩個都唔算太肚餓，所以就輕輕咁點左兩樣野黎食就算。1. 黃金鮮淮山 - 呢碟野作為前菜絕對係會令人食過翻尋味！香脆可口之餘鹹蛋味十足，加上係係淮山，我地食落完全係零罪惡感，停唔到手！2. 剁椒田雞煲仔飯（另加臘腸）- 天氣凍又點少得一煲熱辣辣嘅煲仔飯。姐姐上菜之後幫我地倒入煲仔飯豉油之後等一分鐘。開蓋果一刻啲香氣瞬間一擁而出，令人欲罷不能！田雞臘腸嘅份量適宜，啲飯粒粒鮮明，飯焦脆得來又唔會太過燶。呢個煲仔飯果然名不虛傳！整體而言成餐飯好溫馨 ，未試過又想搵間好食嘅煲仔飯，呢度係值得一試！P.S. 下次帶埋屋企人黎試下佢個古法清湯羊腩煲！