Video
Read full review
2021-05-11
50 views
今日同老公行北角，發覺原來北角都改變可大，多咗好多食肆，我哋行行下見到和富中心有個商場，所以入去行下，行行下發覺有啲攰，見到有間泰國甜品餐廳，主打係芒果甜品，泰國芒果係我嘅至愛，咁梗係入去試下。好多芒果甜品選擇，真係想樣樣都試下可惜冇咁大個胃，唯有下次再嚟多轉。太多選擇，有選擇困難症依間都係主打甜品，如果想食其他熱食，都可以一齊叫埋佢哋隔離間泰國菜館，佢哋話地方係共用嘅，但就唔知係咪同一間公司，不過咁樣幾好又可以食甜品又可以食正餐。我叫咗個超級芒果狂熱，因為呢個有幾款唔同芒果嘅甜品喺入面，可以試多幾款。入面包括由糯米飯/芒果布甸/泰國芒果/芒果雪糕組成，仲有一大達cream，最後當然唔少得椰漿同埋芒果醬。呢個甜品最正係個糯米飯，好黏好糯，好食過我喺泰國食嘅糯米飯，我既食法就係每樣都溝少少一啖擺落口，一次過食到幾個唔同層次嘅味道。芒果蜜糖吐司：呢個就要等耐少少，因為即叫即做新鮮熱辣，個蜜糖多士一上嚟已經香噴噴，仲要係厚多士嗰隻，焗到剛剛好，多士入面仲有糯米飯同埋椰汁雪糕，再淋埋佢哋個椰漿同芒果醬，超級好食一啲都唔漏。我上網睇呢間甜品舖好似暫時未有分店，所以要食嘅朋友都要嚟北角，但都值得，
好多芒果甜品選擇，真係想樣樣都試下可惜冇咁大個胃，唯有下次再嚟多轉。
太多選擇，有選擇困難症
依間都係主打甜品，如果想食其他熱食，都可以一齊叫埋佢哋隔離間泰國菜館，佢哋話地方係共用嘅，但就唔知係咪同一間公司，不過咁樣幾好又可以食甜品又可以食正餐。
我叫咗個超級芒果狂熱，因為呢個有幾款唔同芒果嘅甜品喺入面，可以試多幾款。入面包括由糯米飯/芒果布甸/泰國芒果/芒果雪糕組成，仲有一大達cream，最後當然唔少得椰漿同埋芒果醬。呢個甜品最正係個糯米飯，好黏好糯，好食過我喺泰國食嘅糯米飯，我既食法就係每樣都溝少少一啖擺落口，一次過食到幾個唔同層次嘅味道。
芒果蜜糖吐司：呢個就要等耐少少，因為即叫即做新鮮熱辣，個蜜糖多士一上嚟已經香噴噴，仲要係厚多士嗰隻，焗到剛剛好，多士入面仲有糯米飯同埋椰汁雪糕，再淋埋佢哋個椰漿同芒果醬，超級好食一啲都唔漏。
我上網睇呢間甜品舖好似暫時未有分店，所以要食嘅朋友都要嚟北角，但都值得，因為真係好好食
Post
