無肉食 (堡壘街) (Closed)

無肉食餐廳最啱初一十五食齋嘅人開餐，呢個自助餐其實12點至3點嘅，但我今次遲咗食午餐，差不多一點半先過到嚟，個侍應話可以特價＄48一位，咁我哋二話不說坐低醫肚先，入到呢間餐廳感覺好舒服，啲座位好闊落，環境都算乾淨。好明顯個自助餐已經係食到尾聲，啲人開始走得7788，好彩啲嘢食仲有差不多20款選擇，蔬菜新鮮爽口，食物冇因為價錢平而令到質素下降，我哋最後都食到差不多三點半先走，以＄48一個人嘅價錢，可以食到兩小時，真係平靚正！