Video
Read full review
2024-03-05
2416 views
📌 高麗軒韓國餐廳 - 北角和富道20-36號明暉大廈1樓🗓(2/3) 星期六 ⏰ 中午12:30左右 💈特式：呢間韓式係北角都有好多年歷史，住當區嘅人都應該無人唔識，我之前都有食過幾次，今日就特登帶埋朋友過嚟食。🥩🍔🌭🌮🥗🥯🥘🍲🍝🍣🥟🍤🍱食物：佢地經營模式類似韓和苑之類，放題只係一個價錢任食，無話分級數收費，平日就$1️⃣9️⃣8️⃣，星期六日就$2️⃣1️⃣8️⃣，而家等我同大家講下🇰🇷🔥味道先。食物種類大約有4~50款，包括燒烤嘅牛/豬/雞/海鮮/蔬菜，仲有唔少熟食/湯鍋/前菜等等。因為咁多選擇，等我主力同大家講下我最推介或者抵食嘅回本位啦：🐮牛肉方面首推特級牛頸脊，以呢個價錢，肉質算十分好，另外牛舌同醃牛肉都係正常韓燒質素，中規中矩。🐷豬肉我就試過豬頸肉/辣汁五花腩，兩款水準都正常，可以一試。🐔雞類我淨係試左雞翼，但估唔到醃得相當好，係眾多肉類之中最好食嘅野，真心推介。🦐海鮮就一定係要狂食蒜蓉帆立貝同海虎蝦，帆立貝非常新鮮，我地一人差唔多食左10隻，不過有幾隻偏大隻嘅就有沙，呢度扣左少少分；海虎蝦就正正常常，不過上菜時大隻時細隻，質素唔係好同一。熟食就反而係我食得最多嘅野，因為真心每款都做得好出
🗓(2/3) 星期六 ⏰ 中午12:30左右
💈特式：呢間韓式係北角都有好多年歷史，住當區嘅人都應該無人唔識，我之前都有食過幾次，今日就特登帶埋朋友過嚟食。
🥩🍔🌭🌮🥗🥯🥘🍲🍝🍣🥟🍤🍱
食物：佢地經營模式類似韓和苑之類，放題只係一個價錢任食，無話分級數收費，平日就$1️⃣9️⃣8️⃣，星期六日就$2️⃣1️⃣8️⃣，而家等我同大家講下🇰🇷🔥味道先。
食物種類大約有4~50款，包括燒烤嘅牛/豬/雞/海鮮/蔬菜，仲有唔少熟食/湯鍋/前菜等等。
因為咁多選擇，等我主力同大家講下我最推介或者抵食嘅回本位啦：
🐮牛肉方面首推特級牛頸脊，以呢個價錢，肉質算十分好，另外牛舌同醃牛肉都係正常韓燒質素，中規中矩。
🐷豬肉我就試過豬頸肉/辣汁五花腩，兩款水準都正常，可以一試。
🐔雞類我淨係試左雞翼，但估唔到醃得相當好，係眾多肉類之中最好食嘅野，真心推介。
🦐海鮮就一定係要狂食蒜蓉帆立貝同海虎蝦，帆立貝非常新鮮，我地一人差唔多食左10隻，不過有幾隻偏大隻嘅就有沙，呢度扣左少少分；海虎蝦就正正常常，不過上菜時大隻時細隻，質素唔係好同一。
熟食就反而係我食得最多嘅野，因為真心每款都做得好出色，例如蛋包蝦/辣炒五花肉/什菜炒牛肉/豆腐辣湯/牛肋骨湯都係佳作，尤其是個豆腐辣湯，我地叫左4鍋都清晒。
辣豆腐湯
93 views
0 likes
0 comments
🍧甜品就有雪榚任食，不過就係我唔鐘意食嘅coco berry，但我見到食lunch set嘅客人有跟餐啫喱，我問職員攞佢地都好樂意比。
☕️🍵🥤🧋🍺🍷🥃🍹🧉🍾🍶🥛
飲品 : 跟餐就係出面雪櫃自取，有普通罐裝汽水同茶，而且仲有雀巢蜂蜜雪梨茶，我主力都係飲呢個。
🍽環境：餐廳因為都有一定程度歷史，所以並唔係話好新淨，不過都係可接受程度，但燈光就偏暗，當日咁啱比左窗口卡位，可以望下街景都唔錯。
🤵🏻🤵🏻♀️🤵🏻♂️服務：餐廳服務就真係幾好，d樓面姐姐好有人情味，會走過來撩吓你講嘢，同埋換燒烤網都主動，上菜速度都算快。
💰💸價錢：佢兩個價位我都有去食過，平日就$1️⃣9️⃣8️⃣，假日就$2️⃣1️⃣8️⃣，兩個價錢都要再收加一服務費。
🐲💬總結：我覺得呢間韓燒有得咁耐歷史，一定有佢可取嘅地方，雖然就並唔係咩十分出色，但都算係三五知已聚腳嘅好地方。
推薦指數：❤️❤️❤️❤️🤍
Post
