金樂軒雞煲魚鍋

Open Now

Now Closed

朋友住附近，話呢間一直bookmark但從未去過，餐廳主打雞煲同魚鍋，除此之外更提供多款經典小炒菜式，感覺有啲似大排檔。店內有大圓枱同卡位坐，見唔少熟客入去食，應該頗出名，店員服務態度親民，十分有禮貌，唔知食咩嘅可以叫佢哋推介，未食已經對呢間影響深刻。天氣太熱冇要到煲，叫咗幾款小炒試試。黑醋小排骨，又淋又滑又入味，輕輕咬開就可以，老少咸宜，另外酸甜度適中，超有驚喜，配飯一流。燒汁什菌牛頸脊，有成8-10大塊，偏厚切，口感肥嫩，帶嚼勁，牛香味突出，配上什菌一齊炒起，中和整體油膩感，值得一試。炒菜款式都有唔少選擇，怕肥嘅可以叫上湯，我哋要咗椰菜花，成鍋上，咋咋聲，新鮮滾熱辣，炒至入味，比想像中無咁油，旁邊仲有洋蔥同肥肉拌住食，呢款性價比都幾高，整體質素唔錯，會話值得約一大班friend過嚟食返餐。