Soul9+ (Closed)

就朋友放工特登去左北角食飯，佢推介一間西餐廳，價錢唔貴但食物好好食，就跟佢去試試。呢個角落好有feel,夜晚坐低飲番杯都幾chill.呢個小食拼盤真係好大份，物超多值，佢有晒所有小食係到（炸墨西哥青辣椒釀車打芝士、煎雞軟骨餃子、炸薯條、啤酒醬洋蔥圈、檸檬皮炸雞翼、意式香草芝士條）其中最鍾意係餃子，外皮煎到好香脆，但係唔會乾，入面仲係好好肉汁，加上有雞軟骨，又多一份口感。另外啤酒醬洋蔥圈都好出色，平時唔鍾意食洋蔥圈，不過呢個唔個係咪因為啤酒醬關係，冇左我最怕洋蔥圈個陣味，令到呢個洋蔥圈好易入口，香脆可口好好食。呢塊13安士美國prime肉眼扒真係好有水準，我地叫左五成，佢真係煎得好靚，岩岩好，唔會太熟破壞左塊扒，又唔會太生出血水，火喉做得好好。外面輕輕地脆身香口，肉質好腍滑，牛肉味亦好香濃，我就好鍾意食脂肪位，牛肉牛油香好好食，成口都係牛脂肪牛油味，好滿足。白松露海膽鮮鮑魚白酒意大利飯個賣相已經贏左一大半，睇到佢用料十足，比足咁多松露同埋海膽，仲有成隻鮮飽魚，不得了。味道當然不負眾望，松露配意大利飯已經係人都知好食，估唔到海膽配意大利飯亦都好有驚喜，海膽香甜濃厚配上白油意大利飯係好特別，