半島冰室

Open Now

Now Closed

半島冰室真係長期有人龍，平日排隊、假日更加要排隊。兩點下午茶時間有人龍，起碼要等20-30分鐘。舖頭細，座位都比較迫，食客、侍應人來人往。雖然係茶記，侍應相當有禮貌，唔催落單唔催走人，而且落單、上菜好快手，好欣賞！半島冰室嘅公司三明治、番茄焗豬扒飯都好出名，下次再試！*下午茶：芝士煎蛋豬扒包 $35兩點就開始下午茶時間，印象中豬扒包都係半島冰室嘅名物。豬扒厚度有1cm，完全冇落鬆肉粉，肉絲分明，但唔會太乾，食到豬扒嘅豬肉香。中間夾餡夾芝士醬汁、煎半熟蛋，蛋汁配芝士汁，好正又好夾。豬仔包烘得略乾，就算配汁都比較乾。印尼撈麵 +$8就係印尼撈麵嘅味道，大食嘅人絕對叫得過。紅豆冰 +$8紅豆粒粒分明，微甜好夠腍，但椰汁好淡，可能係啲冰融得太快又溝淡咗。