Video
Read full review
2023-02-04
67 views
冬天特別鍾意打邊爐，尤其是食麻辣鍋，貪佢食完成個人暖笠笠🌶️ 一直都想試呢間喺北角嘅九龍坎麻辣火鍋，次次路過都比佢搶眼又古風嘅紅色大門吸引，最近就決定同朋友去一試究竟❤️🔥🌃 環境 (5/5)九龍坎麻辣火鍋喺新光戲院附近，離北角地鐵站大約2-3分鐘路程，超方便👍🏻 不過餐廳嘅大門就真係有啲神秘🤣 佢對街嘅大門位通唔到入餐廳，所以要兜去隔離華豐/ 僑冠大廈嘅入口，好彩佢紅噹噹嘅大門夠搶眼，又有路牌指示，所以都唔難搵嘅☺️行到裏面就發現內有乾坤，餐廳佔地好大，分開幾個area，枱與枱之間好闊落，即使嗌到成枱嘢都擺得晒😛 而且餐廳裝修華麗典雅，無論係一枱一凳，定係牆上掛飾都充滿中國古典風情❤️😋 食物 (4.5/5)🌶️ 經典鴛鴦湯底 $116招牌牛油紅鍋🧈 + 番茄🍅🐮 招牌手切牛肉（小份）$123🦐 手工蝦滑 $106🐑 新西蘭高鈣羊肉 （小份）$68🐷 精品豬黃喉（小份） $63🦆 鮮鴨血 $46👅 牛舌（小份）免費🥔 土豆粉 $20🥬 皇帝菜 $26🥬 娃娃菜（小份）免費🍧 冰粉 $20🍡 紅糖糍粑 $26🥤 Coke Zero $15🥢 醬料 $20/位兩個人嗌咗超多嘢食，我就揀幾款黎重點
🌃 環境 (5/5)
九龍坎麻辣火鍋喺新光戲院附近，離北角地鐵站大約2-3分鐘路程，超方便👍🏻 不過餐廳嘅大門就真係有啲神秘🤣 佢對街嘅大門位通唔到入餐廳，所以要兜去隔離華豐/ 僑冠大廈嘅入口，好彩佢紅噹噹嘅大門夠搶眼，又有路牌指示，所以都唔難搵嘅☺️
行到裏面就發現內有乾坤，餐廳佔地好大，分開幾個area，枱與枱之間好闊落，即使嗌到成枱嘢都擺得晒😛 而且餐廳裝修華麗典雅，無論係一枱一凳，定係牆上掛飾都充滿中國古典風情❤️
😋 食物 (4.5/5)
🌶️ 經典鴛鴦湯底 $116
招牌牛油紅鍋🧈 + 番茄🍅
🐮 招牌手切牛肉（小份）$123
🦐 手工蝦滑 $106
🐑 新西蘭高鈣羊肉 （小份）$68
🐷 精品豬黃喉（小份） $63
🦆 鮮鴨血 $46
👅 牛舌（小份）免費
🥔 土豆粉 $20
🥬 皇帝菜 $26
🥬 娃娃菜（小份）免費
🍧 冰粉 $20
🍡 紅糖糍粑 $26
🥤 Coke Zero $15
🥢 醬料 $20/位
兩個人嗌咗超多嘢食，我就揀幾款黎重點推介啦😆 我同朋友都食得辣，就挑戰吓呢度嘅麻辣鍋有幾勁🫣 湯底揀咗鴛鴦鍋，一邊係招牌牛油紅鍋🌶️ 另一邊就係唔辣嘅蕃茄湯🍅
呢度嘅辣湯底都幾特別，可以揀輕/ 濃/ 特濃成都口味🌶️ 因為驚太猛料就揀咗standard嘅輕成都口味嘅中辣～ 湯底幾正宗，好大層牛油喺面，食落真係好香麻好過癮😛 湯底嘅後勁唔算凌厲，食慣咗仲覺得可以挑戰大辣𠻹🤪 番茄湯偏向清淡，可以中和返麻辣鍋嘅重口味🍅
呢度嘅火鍋菜式好貼心咁分大份同小份，咁兩個人就可以試多啲嘢又唔會浪費🥰 肉類尤為出色，鍾意羊肉嘅一定要試新西蘭高鈣羊肉🐑 有羊羶味但唔會過重，配麻辣湯一流😍
手切牛肉都好唔錯，肉味濃郁又唔韌，切得都唔會過薄，食落有口感😛 手工蝦滑整成心型上碟，好有心思❤️ 而且超足料，裏面食到粒粒蝦仁，口感彈牙，必食🦐
有別於一般食開一舊舊嘅鴨血，呢度嘅鴨血呈半啫喱半液體狀🦆 鴨血味道唔腥但質地較散，個人鍾意一舊舊嘅鴨血多啲😆
另外，煙韌控一定要食土豆粉！呢個應該係我食過最煙韌嘅寬粉，超正🥹
餐廳宜家仲有優惠，每位食客幫手影相出post就可以每人free一樣食物！我哋就揀咗牛舌同娃娃菜，超抵🤩
食到最後我哋仲試埋甜品添😆 冰粉清甜解膩，紅糖糍粑外脆內軟，兩款都唔錯❣️
💰 價錢 (4.5/5)
Average price $400/pp
因為餐廳嘅火鍋菜式可以嗌小份，所以即使我哋嗌到成枱食物同飲品都唔會太貴😚 而且餐廳環境好又坐得舒服，呢個價錢物有所值😗
Post
