貴緣小鍋米線 (和富)

Open Now

Now Closed

聖誕節日，好友約我去北角行街，順道去位於北角和富道21-53號和富B樓B15-16 號舖的貴緣小鍋米線用膳，環境簡潔，坐得舒服。我點左個湯底係 豬骨鮮濃湯（內含：韮菜、芽菜及葱，不可選辣）$30，粉底係紅薯粉，配豬軟骨 $12；好友點左個 秘制元祖金酸魚片濃湯底米線 $70，加購快閃小食係 秘制大漠烤豬仔脾2隻 $28（原價$56），另外點左 蒜泥白肉肉 $28，貴緣雞絲火山（少辣）$28，健康油菜（菜心）$14。豬骨鮮濃湯鮮甜好飲，豬軟骨有2大塊，肉質軟腍好味；金酸魚片薄切鮮甜，份量不少，湯底酸麻有辣；豬仔脾好惹味；貴緣雞絲火山好抵食，雞絲堆到火山模樣，拌有榨菜，好味道；蒜泥白肉肉好好味，菜心灼得青綠好食。