小城鎮 (Closed)

紅酒燴牛尾配薯蓉 $98望落冇咩特別，一食有驚喜，超好食，炆得好香好淋，經過長時間的燜焗，令所有的材料都充滿了牛尾味，蘿蔔非常林在裏面充滿了腩汁，醬汁配薯蓉好開胃，我最鍾意依款菜式。西班牙穀飼橡果黑毛豬配蒜香蜂蜜燒汁 $153黑毛豬扒煮得軟腍鬆化，絕非一般以鬆肉粉醃製而成的軟性，反而保留肉的結實質感，入口肥而不膩，同醬汁非常夾，有豐富的蔬菜做伴碟。午餐前菜有湯或沙律，南瓜甘筍湯，味道非常濃郁，質地不會太杰，沙律菜新鮮，配有車厘茄及甘筍。加$12叫左綿綿咖啡同夏威夷果仁朱古力。