Video
Read full review
2015-10-20
1968 views
同你講晌台灣茗茶，正路不過，但講到品酒，會唔會覺得離咗題呢？小弟對酒一向都見識淺薄，但對台灣嘅美食就甚有興趣之至，麵包班同學仔對酒就甚有研究，所以，今晚兩個麻甩佬嚟到Check-In Taipei，就各有所好 。雖然同樣叫做賣台灣菜，但絕對喺不一樣嘅台菜，單睇環境，摩登型格，一邊喺酒吧區，正正喺荷李活道、雲咸街嘅特色；另一邊喺用餐區，牆上嘅掛畫流露出寶島情懷。翻閱餐牌一遍，其實都只喺一頁紙而已，睇到菜名唔似有咩特別，其實配搭就甚具創意，可謂新派嘅台灣菜。雖然位處中環蘇豪區，但定價都只屬中等。所以，有兩人嘅套餐供應，$788兩位，可以試得多啲嘢之餘，亦會划算少少。 Winter Melon Slush Pudding（單點 $68） 既然套餐包飲品，嚟到依度，無理由啡茶汽水，非酒精雞尾酒（Mocktail）就啱晒我，經店員一輪介紹後，依一款冬瓜茶就最合我心水，因為以冬瓜茶為基礎，加入黑糖、珍珠，底下有雞蛋布甸及少少沙冰底，冰涼清潤，珍珠有咬口，雞蛋布甸又可以啜啜吓，過癮過癮 ，整杯嘢好有台式風味，卻不單調而又有新鮮感。 Mochi Yaki（單價 $118） 同老友揀依一
雖然同樣叫做賣台灣菜，但絕對喺不一樣嘅台菜，單睇環境，摩登型格，一邊喺酒吧區，正正喺荷李活道、雲咸街嘅特色；另一邊喺用餐區，牆上嘅掛畫流露出寶島情懷。
翻閱餐牌一遍，其實都只喺一頁紙而已，睇到菜名唔似有咩特別，其實配搭就甚具創意，可謂新派嘅台灣菜。雖然位處中環蘇豪區，但定價都只屬中等。
所以，有兩人嘅套餐供應，$788兩位，可以試得多啲嘢之餘，亦會划算少少。
Winter Melon Slush Pudding（單點 $68） 既然套餐包飲品，嚟到依度，無理由啡茶汽水，非酒精雞尾酒（Mocktail）就啱晒我，經店員一輪介紹後，依一款冬瓜茶就最合我心水，因為以冬瓜茶為基礎，加入黑糖、珍珠，底下有雞蛋布甸及少少沙冰底，冰涼清潤，珍珠有咬口，雞蛋布甸又可以啜啜吓，過癮過癮 ，整杯嘢好有台式風味，卻不單調而又有新鮮感。
Winter Melon Slush Pudding
$68
55 views
1 likes
0 comments
Winter Melon Slush Pudding
$68
62 views
1 likes
0 comments
同老友揀依一款雞尾酒喺福建擂茶溝冧酒，賣相好和風，小弟當然無試，所以，以下都喺佢嘅睇法：有少少酒香，有啲中式混日式感覺，風味頗特別，但其實茶嘅感覺大於酒 ，反而伴食嘅燒年糕，撒上果仁粉，淋上糖漿，又幾好食喎 。
Mochi Yaki
$118
39 views
1 likes
0 comments
Chicken Waffle 最驚喜喺鹽酥雞下有菠蘿蓉，令酥香中有份清甜，雞件好酥脆，絕不油膩，最底下就喺迷你窩夫，襯埋少少楓糖，頗有創意嘅前菜。
Chicken Waffle
51 views
1 likes
0 comments
因為做成球狀，所以叫乒乓，將麻糬加入紫薯蓉及巴馬臣芝士搓成球，外層脆脆又煙糯，入口有蕃薯香，芝士非常軟滑，配搭出色。
Ping Pong
67 views
1 likes
0 comments
豬手肉切成碎粒，加埋菌粒、醬油炒香，放晌件迷你炸脆餅，好甘脆，唔油膩，脆餅脆到咯咯聲。
Crispy Knuckle Bites
61 views
1 likes
0 comments
熱盤
49 views
1 likes
0 comments
好有驚喜嘅五花腩菜式，腩肉滷得好入味，就算肥膏部份都喺有咬口而唔油，底下有青蘋果蓉，味道清新，發揮中和嘅作用。
Sweet & Sour Fish
店員話喺以盲鰽魚製作，唔喺普通貨色，酸甜醬混和一啲菠蘿粒、紅椒粒及松子仁，幾醒胃。
House Special Calamari
喺較港式嘅避風塘炸魷魚鬚，濃濃蒜香，辣味輕微，個人而言喺3款中最為普通，但可能對外國人吸引力大啲。
Pork Belly Risotto（單價 $118）
跟住喺主菜上場，先上個意大利飯，亦喺自己嘅心水菜式。飯粒有咬口卻唔會有生飯嘅感覺，飯粒忌廉味較濃重；啲豬腩切成薄片再炸脆，有啲似煙肉，香脆可口，幾有心思。
Pork Belly Risotto
$118
49 views
1 likes
0 comments
Ma-Po Tofu Noodle（單價 $108） 另一主食喺麵食，麻婆豆腐麵，麵條選用粗身嘅意大利闊麵，可以較能掛汁，配少少肉碎，加埋豆腐，味道濃香卻唔太辣，帶微微花椒味，所以，略有少少麻麻嘅感覺。
Ma-Po Tofu Noodle
$108
74 views
1 likes
0 comments
Cream Brulee（單價 $68） 最後一道甜品法式燉蛋作結，質感好柔滑，但略嫌個燉蛋下忌廉太多，奶味重而影響咗個蛋香味，此外，面層嘅焦糖太厚身，比較黏牙，食幾啖無問題，但多幾啖就變得頗漏，可以詬喺今晚餐飯嘅少少瑕疵。
Cream Brulee
$68
26 views
1 likes
0 comments
晌老友不時向店員詢問有關啲雞尾酒嘅事情時，店主瞿先生原來喺台灣人，更主動向我介紹及講解，更同老友大談台灣酒。瞿先生超好人，見老友對台灣威士忌好有興趣，請佢試飲咗兩小杯，咪睇喺小小一杯，酒精超過57%，我小咪一啖都覺得好厲害 ，所以，請番老友搞掂我嗰一小杯。而以下酒評，出自老友口述，相片都喺佢提供番俾我。仲有，餐廳做緊飲品買一送一，更喺全日適用 。
噶瑪蘭VINHO葡萄酒桶單一麥芽威士忌原酒此酒因為攞獎嘅原因，在台灣已被搶購買唔到，香港買到嘅都已被炒高，入口先嚐到焦糖嘅甜香及果香，繼而木桶氣息及淡淡果仁香，飲後滿口芳香。
噶瑪蘭FINO雪莉桶單一麥芽威士忌原酒酒體醇厚，酒香撲鼻，帶有奶油甜香，混合淡淡清澀味，慢慢滲出甘甜，餘韻悠長。小弟真喺飲唔到咁嘅層次，聽到佢兩個不斷交流，小弟就陪跑，齋聽無搭咀。
今晚品嚐到嘅前菜同熱盤，結合傳統及創意，味道又配搭得好，主菜亦唔差，只喺無咁有驚喜，甜品就稍為回落。所以，跟朋友嚟食吓小食，共酌一下，喺幾賞心樂事，再者，無論有酒精定無酒精嘅雞尾酒，都得意有心思。
Post
