唞唞

Open Now

Now Closed

用左openrice十幾年，第一次寫評論。堂食外賣排同一條隊，排到你果時先要去counter落order，絕對唔俾你先坐低，就算你拖住小朋友。order完張檯俾其他人坐左，係唔會有店員理。佢哋宣揚會講解咖啡品種所以先會咁耐，結果佢淨係同我講左fruity nutty同花香三個詞，叫我自己揀，當我諗住拎起個display豆闻下，佢勁粗魯既係我手里搶返個豆，話唔俾闻。咁你擺d豆係度扮乜嘢，學乜人揀咖啡豆，直接俾張介紹排隊d人睇慳返d時間啦。三大兩細叫左三杯野，等左好耐先等到兩杯咖啡，服務員好懷疑咁要我出示張收據，問我：你order果時同我地講有幾多個大人架？跟住自己睇左眼收據，走左。講真，如果不是佢走得快我真係爆粗。真係唔明一間開在主打優閒親子地方既coffee shop點可以有咁既服務，每一位店員都係好串好有架子，匪夷所思。咖啡係唔錯，但最便都要$48，30蚊cheesecake得我手指咁長cheesecake性价比非常低。太誇張，絕對不會再去。