OM Tapas (Closed)

朋友生日諗住食好西啦。已經早左廿幾日訂枱。但食飯前幾日餐廳打黎confirm booking 話得番high table, 咁我早咁多book都唔知做咩，當就番餐廳operation就算。去到當日，原來有兩批各十幾人既人Xmas gathering, 唔怪得得番high table俾我地啦。之後諗住俾個蛋糕餐廳雪住，待應竟然覆雪櫃無位，我真係呆左🤯，我驚我英文唔好，咁等朋友黎到再問啦，待應既回覆係，因為黎Xmas Gathering 既人帶左好多酒黎，所以個雪櫃雪曬D酒，無位雪個蛋糕。完全不能理解，酒可以一路飲一路雪，唔夠凍咪俾冰桶雪住囉，但係蛋糕唔雪會變，有機會食到人唔舒服肚痛。人地有俾開瓶費，我係餐廳食蛋糕都要俾切餅費者。之後驚蛋糕變壞諗住食左蛋糕先啦，待應話要叫兩個甜品先可以free左個切餅費，餐廳勁唔識變通，已經無位俾人雪住個cake, 仲要收人切餅費。食左咁多年生日飯，都未試過話餐廳個雪櫃會無位俾人雪蛋糕。之後成餐飯個蛋糕就放左係枱面。食完都唔想係入面食，拎左去第2度食，但D cream都溶溶地，最後食左兩啖就無食個cake, 驚食完會唔舒服。