一線軒雲南桂林過橋米線 (Closed)

本來以為係土瓜灣嘅一線軒分店，點知原來係無關係嘅。呢到嘅主打係米線，選擇都好多而且有d比較少見嘅可以揀，例如係鯊魚丸(???)我就點咗一碗$46雙拼米線，蟹子丸同鮮蝦腐皮巻，仲送一個紙包飲品。上菜速度都幾快。清湯底比出面 x仔 嘅淡一d，唔會有個種食完好大口氣嘅感覺。配料有適量嘅酸菜，蔥同香菜，同米線味道都好夾。腐皮巻同蟹子丸有2粒，米線份量適中。米線質地偏粗，有口感。總括黎講，性價比同同區其他餐廳比較算偏高，不過份量方面可以再多少少就更滿足啦。