又一間餐室 (Closed)

喺美孚豪宅曼克頓山商場內有幾間餐廳，見到又一間餐室有自助吧，價錢亦都叫做最相宜，就入去試下。午市落單係自己劃紙嘅，因為眼見佢侍應唔多，可能咁樣會無咁甩漏。我地叫左鯖魚西京燒便當，除左有2塊鯖魚配飯之外，仲配1盒蔬菜連炸燒賣(小食)，同埋日式蒸蛋。$50有哂咁多野食，便當餐係最抵食嘅。我地仲叫左巴黎焗豬排飯，即係焗豬排飯配太陽蛋，個配搭好特別。焗飯只配炸燒賣(小食)，無日式蒸蛋。豬排唔鞋，個汁都唔錯，份量好多，都好夠食。所有餐都係$50一份，包自助吧可以任飲中湯或羅宋湯，自助攞水或綠茶，紙巾或醬汁，餐飲就需要另外加錢配。我地去嗰日係西洋菜煲豬骨，個湯都幾好飲！