一豊 (Closed)

呢間一豊其實係天水圍都開左一段時間，幾個同我一樣住天水圍既friend子都話幾好味，但一直都無機會去試下，今次咁啱去天耀個頭探朋友，夜晚就揀左呢間去食啦。刺身拼盤刺身非常厚身，而且油脂豐富，食落去好有滿足感。北海壽司呢個北海壽司係幾有水準，首先成個天水圍應該得佢呢間日本菜有螢光魷魚食，而且其他食材都好新鮮，除左刀工好，仲用心搭配唔同醬例如黑松露、柚子醬等，令到味道層次豐富。總括黎講，一豊算係區內少有既高質日本菜，住係天水圍既朋友唔想下下食爭鮮或者搭輕鐵出元朗搵食，可以近近d試下佢，讚哦👍🏻