% Arabica (K11 ATELIER)

Open Now

Now Closed

要數香港最有名的% Arabica咖啡店，一定係堅尼地城海旁個間打卡+無敵海景分店，但估唔到鰂魚涌K11 ATELIER後面都開咗間分店，啱晒附近返工嘅打工仔買杯咖啡叉電🔋🔌 室內裝潢簡潔純白，好似一塵不染咁，望落去視覺上幾舒服。佢預咗做外賣咖啡即買即走，隨咗杯蓋紙巾區，同埋賣一啲咖啡周邊嘢之外，基本上係無位置比客人留係店內飲，要飲都要企係度飲，感覺仲唔方便。好在佢有兩三部磨豆機、咖啡機同時運作，效率都算快，同同事傾咗一陣就有咖啡飲嚕✨ 最鐘意佢嘅奶啡，牛奶打得好順滑，又有少少厚身，好怕飲到一啲好稀好薄身的奶啡，呢杯係有保證的，果然係國際牌子加持，水準唔錯。