龍皇酒家 (Mikiki) (Closed)

十一國慶，朝早11:30o黎到Mikiki呢間龍皇飲茶。好彩有訂位，如果唔係又要等(不過出面等0既人唔係好多)。4個人叫0左家鄉煎粉果、鮑魚燒賣皇、蝦子柚皮、水晶禮盒、鮑汁炆鳳爪、刴椒蒸魚雲再加個油鹽老虎蝦煎麵。家鄉煎粉果 ($26) : 搞到成個茶稞咁，唔似粉果，不過好有家鄉味鮑魚燒賣皇 ($29): OK，只係有一塊鮑魚跌o左，有一塊直頭唔見o左囉蝦子柚皮 ($43) : 柚皮好正呀~ 好似食魚柳咁，好腍。扒埋d蝦子，好好味~ 好味到所有汁都撈埋水晶禮盒 ($29) : 點解叫個咁o既名？其實佢係有黑松露o係入面o家！都幾香吖~點解唔hard sell下佢呢？仲要放o係點心紙最頂頂一個唔起眼o既地方……鮑汁炆鳳爪 ($48) : 呢個都好食，只係覺得份量比較少刴椒蒸魚雲 ($29) : 呢個就比較遜色啦，可能龍皇整慣海鮮同d河鮮唔夠Friend油鹽老虎蝦煎麵 : 呢個勁啦~ 隻虎蝦連個頭成5吋長！隻蝦係炸o既，但都好鮮味~ 個煎麵有脆有腍，加埋浙醋唔會好油膩，好快就俾我地清哂~總結 : 係好味~ 點心唔算貴~ 但茶錢就12蚊/位…食lunch好啦, 食dinner真係太~貴啦~