十三少酸菜魚 (Closed)

很久沒有四隻腳吃好西，今次約埋一齊食好西，有鐵膽帶路捐窿捐罅搵美食，搵到間酸菜魚做主打的食店，內𥚃裝修光亮簡潔，好闊落，唔會坐得迫夾。食物種類不太多，只有三款主食丶涼伴同飲品，而主打係酸菜魚～川式口水雞同涼拌土豆絲是我的最愛，當然要點，然後就係酸菜魚，仲額外加買咗個寛粉。最先到係涼拌土豆絲，好爽脆，帶辣味，食到停唔到口，再來是川式口水雞，大大一盤紅通通的，買相垂涎，冰涼爽嫩，辣度有勁，個汁仲係下飯良品。過咗一陣，主角都登場了，我地叫的是普通份量，已經好大碟，如果多人食可以叫勁量版~呢個酸菜魚有別方間，沒有多餘油在湯面，不會油淋淋，配料除酸菜外，仲有萵筍同菇菌，加＄20配咗個寬粉～先來啖湯，飲完唔口渴，又不會過酸，又有辣勁，再來食魚，滑嫩無比，沒有魚腥味。不好魚也能接受。萵筍同菇類也好爽口，不得不提是寬粉，煙韌爽口，滑啫啫，是與酸菜魚的完美配搭。如果想食清新小油的酸菜魚，十三少定能滿足你，而且仲有午市套餐，更加低食😘