Video
Read full review
2017-11-22
88 views
天氣轉涼食辣野暖下胃就最岩. 今次去左幾多好評四合院, 環境主要用紅底木枱幾有中國風. 其實睇得不太仔細, 因為估唔到原來平日夜晚都咁爆, full booking 坐滿哂人, walk in 我地好快被安排到坐到餐廳出面, 露天環境下同其他人搭枱😂黎到選擇困難我地無多諗, 直接選左店員推薦十三香袐製乾煱, 選左虎蝦煱底$298另外配左地瓜$22, 寛粉$28 同鴨胸$32. 見到隔離枱上咁紅, 怕太辣既我地選左原味.來到一碗, 虎蝦幾大隻厚肉, 有6/7隻. 調味用左13款香料, 加上紅色辣椒炒成, 但神奇地香而不辣. 原以為原味都會好辣, 早知道選麻辣底應該會更惹味. 不過估唔到原來虎蝦煱就真係只有虎蝦, 其他除左額外追加菜就無其他材料. 以份量講價錢有點貴. 加菜中最欣賞寛粉, 好有口感又入味. 彈牙又帶有韌性. 鴨胸肉同蕃薯味道都唔錯, 如果份量多d 就更好啦. 可能因為好夠香. 愈食愈開胃. 原本打算order 多個炸醬麵, 點知原來晚市無麵食提供, 唯有order多個小菜同飯.口水雞$68前菜關係, 所以口水雞係冷盤, 同樣唔太辣, 反而以香料為主.雞肉好嫩同入味overa
黎到選擇困難我地無多諗, 直接選左店員推薦十三香袐製乾煱, 選左虎蝦煱底$298
另外配左地瓜$22, 寛粉$28 同鴨胸$32. 見到隔離枱上咁紅, 怕太辣既我地選左原味.
來到一碗, 虎蝦幾大隻厚肉, 有6/7隻. 調味用左13款香料, 加上紅色辣椒炒成, 但神奇地香而不辣. 原以為原味都會好辣, 早知道選麻辣底應該會更惹味.
不過估唔到原來虎蝦煱就真係只有虎蝦, 其他除左額外追加菜就無其他材料. 以份量講價錢有點貴.
加菜中最欣賞寛粉, 好有口感又入味. 彈牙又帶有韌性. 鴨胸肉同蕃薯味道都唔錯, 如果份量多d 就更好啦.
可能因為好夠香. 愈食愈開胃. 原本打算order 多個炸醬麵, 點知原來晚市無麵食提供, 唯有order多個小菜同飯.
口水雞$68
前菜關係, 所以口水雞係冷盤, 同樣唔太辣, 反而以香料為主.雞肉好嫩同入味
overall 味道唔錯, 怕辣既都唔駛驚, 因為煱可以order 原味, 而其他菜式(口水雞)主要係偏重香味, 唔太辣. 不過價錢晚市都有點貴, 見到午市有菜飯湯都係五十幾. 下次有機會再試午市吧
Post
