十二味 (青衣城2)

Open Now

Now Closed

今日收工行過青衣城去咗二期嗰邊，發現原來開咗間新嘅川菜： 十二味，之前呢個鋪位係食日本嘢，太耐冇行街，原來呢個商場好多鋪都變晒。 咁啱屋企無煮飯，我就決定喺度叫個外賣返去同屋企人食，我選擇左麻辣乾鍋，佢係好似車仔麵咁俾你揀要咩餸，最少要五個，亦都有分肉類同蔬菜類，我就叫咗魷魚、蝦、雞軟骨、蓮藕、土豆，因為未試過唔知有幾辣，今次叫咗小辣加麻試吓先。原來份量都好大，好足料，我拎到返屋企都仲好熱辣辣，我好欣賞蓮藕同土豆，好入味，魷魚雞軟骨都脆卜卜，係食蝦比較麻煩，因為我初時以為係無殼嘅，我諗我下次會叫大辣因為小辣真係非常之冇感覺😛 總括嚟講我覺得十二味性價比都幾高下次會再嚟試吓其他！