十二味 (卑路乍街)

Open Now

Now Closed

今晚實行同心抗疫，去左堅尼地城嘅十二味新分店買外賣返屋企食，呢一兩日落雨濕濕，食返啲辣野去濕。秘製醬香鍋+雞軟骨+嫩牛肉+萵荀+四季豆+花菜 $228見到招牌自選香鍋，都幾吸引。鍋底可以選經典香辣鍋或者秘製醬香鍋，$38一個鍋。香鍋配菜有肉有素，要選擇5款或以上，選擇都唔少。揀左唔辣既秘製醬香鍋加雞軟骨$48，嫩牛肉$58，萵荀$28，四季豆$28，同花菜$28。首先個鍋味道好唔錯，唔會太鹹，味道剛剛好，仲加左少少白芝麻粒。嫩牛肉份量好多，又夠嫩。雞軟骨反而較細粒。花菜吸左個汁好好味。四季豆好多，整得好淋。萵荀大大片。其他材料仲有青瓜條同黃豆粒。份量一大盒，夠兩個人食，返去再煲返兩碗飯就正啦！外賣盒收$2，而家外賣自取有9折。