十二味 (山市樓) (Closed)

朋友介紹過呢間12味干鍋非常之好食，鍾意食辣野嘅我梗係一定要黎食下啦。首先佢會叫你揀有啲咩味既干鍋你想食，然之後再選擇下面嘅配菜，佢就會幫你炒落個干鍋度一齊食，都幾惹味架。另外除咗干鍋之外，佢仲有好多款小菜類俾你選擇，我就選擇咗水煮牛肉。個水煮汁好好食，辣味度數啱啱好，牛肉肉質亦唔會硬，同埋個牛肉嘅份量都唔會話好少。👍🏻👍🏻呢碟就係個主角，我叫咗經典香辣干鍋，當中我加咗鮮蝦，萵筍，雞軟骨，雞胸肉同四季豆，個蝦好入味，非常之好食，萵筍炒得好爽口，整體來講可以再encore。👍🏻👍🏻👍🏻