十二味 (山市樓) (Closed)

本身唔食得辣，但又鍾意食十二味小辣香辣鍋，因為個鍋唔係一味死辣，而係辣中帶香，我只需要小心將辣椒籽了起，就可以盡情享用。🍴十二味香辣鍋晚市套餐(包兩個飯+青瓜小食)⭐️⭐️⭐️⭐️呢個套餐只係百七蚊左右，非常足夠兩個人食，鍋裡面有6個指定餸：午餐肉、牛肉、雞翼、油麥菜、土豆、蓮藕，樣樣餸都ok，不過無得額外再加餸，鍋辣度可自行選擇大中小辣，已經叫過兩次，真係好味又抵食呀！🍴乾煸肥腸⭐️⭐️⭐️⭐️十級邪惡呀，嚿嚿大腸都有超勁肥膏，炸得非常香口，辣度屬小辣，好味但正價$100似乎貴咗dd。二人共消費：$237.20 (foodpanda 外賣自取)