Video
Read full review
2008-01-06
6 views
唔知有無記錯價錢, 應該係一百八十幾蚊一位左右連加一.有BOOK枱, 入場時以及入場後都未滿人, 走左陣吉枱更多. 後尾真係明白係咩一回事, 呢間野, 我寧願去青葉都唔會黎. 同埋呢度D裝修... 淨係睇張CHAIR, 感覺都好怪, 有種去左酒樓o既錯覺, 強烈建議佢用木板黎代替牆上面o個D牆紙式餐牌.可以揀o既野真係唔算太多, 呢個係意料之內. 不過...第一, 佢第一ROUND點菜紙黎左大半之後, 個廚房已經唔太想出野, 個情況好似便秘咁, 係唔出就係唔出... (|||) 一枱四人非常無奈, 我地第一ROUND叫o既魚生飯追左差唔多個幾鐘先有得食, 仲未計由頭追到尾結果都無到o既手卷. 無, 唔緊要, 咪講囉! 青葉呢D街坊店都做到o既野, 呢度竟然做唔到, 枉呢度仲係尖咀!第二, 佢D份量好有問題. 一份鯖魚, 竟然有兩隻手掌咁長, 叫人點食得晒? 一份牛油炒雜菇, 都要四個人先食得晒. 煎炸類o既野明明一份就出四份, 永遠係出多o既. 刺身呢? 你寫十件就永遠唔夠十件! 手卷一件都無到過全部俾人飛晒單. 明眼人都睇得出係咩一回事, 煎炸野係好易飽o既, 所以刺身又可以慳返畢.
有BOOK枱, 入場時以及入場後都未滿人, 走左陣吉枱更多. 後尾真係明白係咩一回事, 呢間野, 我寧願去青葉都唔會黎. 同埋呢度D裝修... 淨係睇張CHAIR, 感覺都好怪, 有種去左酒樓o既錯覺, 強烈建議佢用木板黎代替牆上面o個D牆紙式餐牌.
可以揀o既野真係唔算太多, 呢個係意料之內. 不過...
第一, 佢第一ROUND點菜紙黎左大半之後, 個廚房已經唔太想出野, 個情況好似便秘咁, 係唔出就係唔出... (|||) 一枱四人非常無奈, 我地第一ROUND叫o既魚生飯追左差唔多個幾鐘先有得食, 仲未計由頭追到尾結果都無到o既手卷. 無, 唔緊要, 咪講囉! 青葉呢D街坊店都做到o既野, 呢度竟然做唔到, 枉呢度仲係尖咀!
第二, 佢D份量好有問題. 一份鯖魚, 竟然有兩隻手掌咁長, 叫人點食得晒? 一份牛油炒雜菇, 都要四個人先食得晒. 煎炸類o既野明明一份就出四份, 永遠係出多o既. 刺身呢? 你寫十件就永遠唔夠十件! 手卷一件都無到過全部俾人飛晒單. 明眼人都睇得出係咩一回事, 煎炸野係好易飽o既, 所以刺身又可以慳返畢. 做得日式放題, 呢種行銷策略好可恥.
第三, 原本期望呢度o既刺身會有好o既質素... o拿, 已經限住出, 應該唔錯, 係咪? 但事實往往令人失望.
第四, 佢有搞生日派對活動... 我係人地約黎o既所以我真係對此一無所知. 見鬼, 食食o下野無端端熄燈我仲以為停電火燭, 原來因為有人生日要吹蠟燭... 我係黎食野無諗過要同人地慶生, 亦無義務同人地慶生, 我強烈建議呢家店顧慮o下其他顧客o既心情... 佢地入房慶生熄晒燈耍盲雞我唔理, 但大家坐埋一個廳真係影響到我!
第五, 再講即使會口臭我都要講! 我見證左呢度o既侍應如同先前o既食評一樣, 真係完全玩樂feel 唔使做咁o既野樣, 如果唔係佢仲會傾偈我會以為佢地係紙牌黎! 無錯, 佢地寧願傾偈都唔會過黎收點菜紙, 向佢追單追極都唔會追到!
為左證明我唔係打手, 我只好痛苦咁搵出一兩個好處俾大家睇睇...
咳, 侍應係唔收點菜紙唔識追單, 但係佢收碗收得好快, 亦走得好快!
咳, 汽水上得好快, 你俾佢一個空罐佢就會問你下一罐飲咩, 反應夠快! (食開日式放題就知道飲汽水真係好快飽的...)
咳, 呢度D吉烈xx類食物係真材實料, 天婦羅反而無呢個咁好! 焗青口係唯一一味叫完又叫, 而且真係會出得到o既野, 值得一試!
咳, 埋單速度亦係一絕, 唔錯!
不過結論依然係唔值得推薦, 奉勸大家過節千祈唔好去, 以免失望而歸!
Post