Video
Read full review
2015-09-08
3917 views
Open rice聽講間餐廳個景好靚 琴日有朋友生日 咁一班人貪新鮮諗住上去試下啦 好彩有book枱 我地 8:00上到去都已經就快爆場 我地坐露天位 個景直係好靚 上到去岩岩見到幻彩詠香江 完全望哂成個海景 仲好睇過係海旁 今年除夕一定要再上黎！講番d服務 其實好nice 因為有好多種西班牙溝生果嘅酒 其實都唔太識揀 佢地都好有耐性逐種分析介紹比我地 由紅白酒到甜苦都介紹 最後揀左full jar 嘅Barcelona都幾好飲 最重要係幾岩我地飲至於野食 有幾個一定要試48個月黑毛豬火腿 價錢比24個月個個貴少少 但好好食 肯定真係人手切 因為一出升降機就見到廚師們係度切 脆皮乳豬 一定要點埋個汁食 甜甜地 好開胃火燒辣肉腸 夜晚睇好靚 d皮比火燒過好脆 咸咸到 如果鐘意食濃味野嘅就一定會鐘意食主菜雪魚焗得好滑 連埋個汁好入味 值得一試再試仲有一定要提就係個西班牙海鮮燴飯 一入門口就見到一大鑊 仲以為係display 原來真係用大鑊煮嘅 經過都聞到好香 食落唔算乾又唔會太軟 不過一定要趁熱食另外有個薄餅 以菜為主 個人覺得好好食 有少少辣味但我平時唔點食辣都覺得好惹味甜品就要左個蘋果
聽講間餐廳個景好靚 琴日有朋友生日 咁一班人貪新鮮諗住上去試下啦 好彩有book枱 我地 8:00上到去都已經就快爆場
我地坐露天位 個景直係好靚 上到去岩岩見到幻彩詠香江 完全望哂成個海景 仲好睇過係海旁 今年除夕一定要再上黎
！
講番d服務 其實好nice 因為有好多種西班牙溝生果嘅酒 其實都唔太識揀 佢地都好有耐性逐種分析介紹比我地 由紅白酒到甜苦都介紹 最後揀左full jar 嘅Barcelona都幾好飲 最重要係幾岩我地飲
至於野食 有幾個一定要試
48個月黑毛豬火腿 價錢比24個月個個貴少少 但好好食 肯定真係人手切 因為一出升降機就見到廚師們係度切
脆皮乳豬 一定要點埋個汁食 甜甜地 好開胃
火燒辣肉腸 夜晚睇好靚 d皮比火燒過好脆 咸咸到 如果鐘意食濃味野嘅就一定會鐘意食
主菜雪魚焗得好滑 連埋個汁好入味 值得一試再試
仲有一定要提就係個西班牙海鮮燴飯 一入門口就見到一大鑊 仲以為係display 原來真係用大鑊煮嘅 經過都聞到好香 食落唔算乾又唔會太軟 不過一定要趁熱食
另外有個薄餅 以菜為主 個人覺得好好食 有少少辣味但我平時唔點食辣都覺得好惹味
甜品就要左個蘋果批 仲好貼心咁有埋生日個位朋友嘅名係隻碟度(當然book枱嘅時候講底左) 個蘋果批一切開仲好熱辣辣 d皮都幾鬆 食到有蘋果應該係用新鮮蘋果整嘅 連埋個雪糕一齊食 個味好襯
美中不足係見唔到日落 下次會早d去睇日落
建議 一定要book左枱先比較有機會坐到近窗睇景位
Post
