十八夢

今日黎銅鑼灣剪頭髮，午飯時間黎到又未剪得頭髮，就黎朋友推介過既十八夢試下，好有驚喜！呢度所有食物都擺得好靚，打卡岩晒📸我簡單叫佐個午餐，前菜係紅菜頭三文魚沙律，紅菜頭大大粒爽脆清甜，三文魚夠晒肥美，再加上黑醋汁配合，更加唔會有滯既感覺，超級開胃😊另外仲飲埋個椰菜花湯🫕湯好creamy，飲到粒粒椰菜花碎，湯好清甜，加佐忌廉既湯好幼滑，好香好好飲！主菜就係米蘭比吉打伊比利亞豬肩柳，我未食過咁軟腍既豬肩柳，豬肉肉質好有咬口，煎到鎖住肉汁，伴碟既薯仔粒同椰菜花都煎香佐，脆脆地幾好食，點埋自製醬汁黎食就岩岩好啦😋