十八夢

前菜😸每個午餐都有既，有味噌湯，季節野菜沙律，茶碗蒸。味噌湯唔會太咸或者太淡，味道岩岩好，仲有啲海帶，有啲口感；沙律用既都係時令靚菜，夠晒新鮮清爽，再加少少黑醋做汁，更加開胃；蒸蛋就滑到不行了，好重蛋香，前菜仲有粒鮮螺肉，爽脆呀！松葉蟹蓋釀蟹肉丼😽主食之一，我最中意飯既份量唔會好多，岩岩好，配料就夠晒多，蟹蓋入面釀佐拆晒殼既蟹肉，亦有啲未拆肉既蟹鉗，加上少少蟹膏，蟹既咸鮮味出晒黎，加埋飯邊既蛋絲同蟹籽粒一齊食，口感真係好到飛起！秊節刺身三點盛加柚子醬油角切魚生丼😻另一個主食，有刺身有丼飯，刺身都係新鮮鮮味既，丼飯既唔同角切刺身都係好新鮮，質感好好，好似淨係吞拿魚粒都好肥美，又有蛋絲蘿蔔絲呢啲配料，認真豐富呀！