十八夢

今日同朋友黎食午餐，我地已經試過日式既，今次就試西式，不得不提呢度既裝修真係好好，有曬主題，特別岩傾計。西餐午餐前菜都係有湯有燒牛肉沙律，湯既餐包幾軟熟好食，而沙律都幾大碟，燒牛肉份量又多，牛肉亦幾嫩，成份沙律淋上黑醋欖油汁，酸酸地更開胃🤤主菜我就叫佐日木海膽大葉忌廉米形意粉，意粉既口感幾粘口，幾軟糯，有啲似意大利飯，好重忌廉香，仲有海膽醬既香味，海膽亦算係幾大舊，好鮮甜，配埋豆苗大葉呢啲，味道更鮮😍朋友就叫佐烤虎蝦茄子蓉蝦膏意大利飯，虎蝦一隻開邊煎，大大隻煎到好香，茄子蓉酸酸甜甜，幾綿密，意大利飯就用蝦膏蝦湯去煮，充滿蝦既鮮味，好入味，成碟都配搭得好好😚