法國飯店

Open Now

Now Closed

之前次次去親黃金海岸都唔食嘢就急急腳走，今日想玩耐啲所以就決定食埋嘢！我哋就揀咗入面最靚嘅呢間高級法國菜餐廳，好彩佢係真係幾高質，環境同店員嘅服務態度都非常之好👍🏻慣咗每次食西餐都一定會叫個沙律，呢個半生熟芝麻吞拿魚伴香桃沙沙，吞拿魚新鮮，加左芝麻更香。另外主食就叫咗蕃茄龍蝦汁海鮮意大利飯嘅龍蝦汁超濃郁，海鮮都勁新鮮，連埋飯撈埋一齊食，真係好滋味。而炭燒西班牙黑豚鞍排燒得剛好，有油香之餘亦都唔會過於肥膩，好好食。最後仲有個黑松露野菌湯都好足料，啖啖都好香黑松露味。