韓牛韓式燒烤 (Closed)

旺角創興廣場好耐都無去過，見舊時機鋪位置變左做某大型家私鋪後，便落左去睇下。睇完肚仔餓，於是就去左樓上一間叫韓牛既鋪頭食晚餐。一聽個名就知道佢係一間韓燒鋪，感覺十分親切，同以前食開既感覺差不多，都係一種令人放心而知點拎野既感覺。佢好有多野食揀，有刺身、有壽司、有熟食、有生食，樣樣都有，仲有甜品比大家揀，特別是佢可以自己整既棉花糖機啦，又有韓國出名好好食既蜜瓜味雪條，野飲又有好多，例如韓國啤酒，又有無糖既茶，真係食到飽飽地，都大把野可以揀來飲。