甘味喫茶店

Open Now

Now Closed

下午五點無咩人嘅時段，嗌左個梳乎厘、一杯宇治抹茶同一杯玫瑰柚子蜜梳打咁既野。飲品$48一杯，十分普通，同Neway啲fruit punch差唔多，宇治抹茶正正常常，不過有買一送一，當$24嗌左杯特飲。重點係個梳乎厘，餐牌下面細字remark要等20-25分鐘。我地五點零八分入座，五點十分落單，個梳乎厘等左起碼50分鐘，中途催左兩次。等左咁耐以為有咩咁把閉，黎到兩舊野都係扁塌既，唔講以為係pancake，一食落口仲要唔熱既，只係有好微弱既餘溫，彷彿係整好左好耐，但係都要攤凍先拎出黎比你食咁。完全唔明點解下午無人既時段，全場只有三四台客，整個甜品可以等成粒鐘，仲要係唔好食，黑人問號。總括而言真係十分普通，唔係坐得特別舒服，賣相亦無乜特別，認真想食野可以唔洗去，想打卡都可以搵過第二間食。