Video
Read full review
2021-01-19
2083 views
好鍾意去K11 Musea行街，今次去咗位於商場地下嘅「欣圖軒」食飯。店名係取洲際酒店 InterContinental 嘅 「In」以及「Tal」音譯成。係欣圖軒食飯就恍如置身係博物館一樣，除咗用玉石鑲製嘅餐具外，不得不提當日座位旁邊嘅一幅雙面繡，近距離欣賞過先知呢種技藝有幾精巧。✨🫖大紅柑普洱茶屋企人有品茗嘅習慣，而我就獨沽一味普洱，呢壼普洱可以話係我飲過最好嘅普洱，簡直係成餐飯嘅亮點。😉 當時茶藝師有同我哋上過堂，但恕我已經唔記得佢講過咩啦，只係記得飲第一啖時陳皮嘅果香湧入口腔，令我好驚喜，往後幾泡就帶出返普洱嘅甘醇，利咽舒喉，特別係咁乾燥嘅季節飲覺得喉嚨好舒服。☺️🌟美饌海鮮三式餃由左至右分別係龍蝦蟹肉菜苗餃、XO醬紅蝦粿、黑蒜帶子餃，廚師建議跟呢個次序由淡至濃咁食。餃皮稍嫌過厚，但三個嘅餡料都好飽滿，而我最鍾意中間嗰粒，蝦肉鮮爽彈牙，配埋惹味嘅XO醬好好味。😋🌟花膠燉響螺湯嘅份量比相中多(我飲咗兩啖先記得影相😂)，每碗有一塊厚身大花膠，兩片響螺。花膠入口冇乜膠質，飲花膠湯我比較鍾意「漿住漿住」嘅濃稠口感。另外碗湯味道好淡，食唔到響螺嘅鮮味。雖然足料，但單點飲唔過，套餐升級會好啲
🫖大紅柑普洱茶
屋企人有品茗嘅習慣，而我就獨沽一味普洱，呢壼普洱可以話係我飲過最好嘅普洱，簡直係成餐飯嘅亮點。😉 當時茶藝師有同我哋上過堂，但恕我已經唔記得佢講過咩啦，只係記得飲第一啖時陳皮嘅果香湧入口腔，令我好驚喜，往後幾泡就帶出返普洱嘅甘醇，利咽舒喉，特別係咁乾燥嘅季節飲覺得喉嚨好舒服。☺️
🌟美饌海鮮三式餃
美饌海鮮三式餃
23 views
3 likes
0 comments
由左至右分別係龍蝦蟹肉菜苗餃、XO醬紅蝦粿、黑蒜帶子餃，廚師建議跟呢個次序由淡至濃咁食。餃皮稍嫌過厚，但三個嘅餡料都好飽滿，而我最鍾意中間嗰粒，蝦肉鮮爽彈牙，配埋惹味嘅XO醬好好味。😋
🌟花膠燉響螺
花膠燉響螺
26 views
0 likes
0 comments
湯嘅份量比相中多(我飲咗兩啖先記得影相😂)，每碗有一塊厚身大花膠，兩片響螺。花膠入口冇乜膠質，飲花膠湯我比較鍾意「漿住漿住」嘅濃稠口感。另外碗湯味道好淡，食唔到響螺嘅鮮味。雖然足料，但單點飲唔過，套餐升級會好啲。😅
🌟脆釀鮮蟹蓋
脆釀鮮蟹蓋
43 views
1 likes
0 comments
隻蟹蓋炸到金黃色脹卜卜，令人垂涎三尺。😆我唔鍾意食炸嘢，所以無食到表面嘅炸衣，但切開時聽聲都知佢炸得好酥脆。而入面一梳梳嘅蟹肉鮮嫩，食落好滋味。
🌟蜜汁黑豚叉燒
蜜汁黑豚叉燒
39 views
0 likes
0 comments
叉燒肥瘦相間，表面有微微焦香，食落肉質鬆軟，脂香感十足，確實做到肉嫩甘腴。但可惜過甜，我食咗一嚿已經無辦法再食落去。
🌟蒜片雞縱菌爆和牛
蒜片雞縱菌爆和牛
27 views
1 likes
0 comments
呢道餸係我全餐飯最鍾意嘅一道。一粒粒嘅和牛放落口十分柔軟，咬落去時脂肪嘅甘甜四溢☺️，言語已經描述唔到有幾好食，而家諗返都回味無窮，非常肚餓。🤤🤤
🌟楊枝甘露
楊枝甘露
22 views
0 likes
0 comments
最後唔夠喉，甜品叫咗楊枝甘露。都係啲gimmick嘢玩乾冰嗰啲啦。😂 當日食到嘅西柚好苦，但應該係個別問題，反而西米煮過火唔彈牙，有小小失望。
貴為米芝蓮星級中菜廳，欣圖軒嘅食物質素不錯，當中某啲招牌菜都非常好食。但我認為溢價反映係體貼入微嘅服務上，當日點菜上菜嘅侍應、茶藝師都非常好服務，例如佢哋上楊枝甘露時問我需唔需要影相，等我ready好先開蓋，又例如我走時貼心幫我拉起少少枱布，避得我’kick’親，所有嘢都以顧客為本；而且佢哋好有熱誠，睇得出佢哋好熱愛呢份工作。整體嘅用餐體驗非常好。👍🏻
Post
