麵屋 元祖達摩 (Closed)

早排喺Facebook見到呢一間餐廳嘅推廣，見到拉麵嘅配料係可以俾一個價錢然後仼食，感覺好吸引，所以就係星期六去咗呢間餐廳到試一試佢。去到先發現原來個優惠只限一至星期五，雖然有啲失落，但係都無阻我哋呢度食拉麵嘅決心，我同朋友都照樣嗌咗啲餸去試一試。我今次叫咗一個拉麵係櫻花蝦湯底，湯底有啲鹹，份量都足夠，糖心蛋煮得啱啱好，叉燒都好大份，薄薄地，唔會太鹹，拎嚟同面一齊食就啱啱好。另外仲叫咗小食，價錢都唔算太貴，值得一試。