千賀水產の鮮鍋道場 (Closed)

今日午餐食左間叫千賀水產的放題火鍋。去到門口見到個牌寫住唔同價錢，有唔同時間及食材，豐儉由人。我地今日點了海鮮特盛刺身餐，湯底選擇相當多。我地揀左山地野菌清湯底，好多不同菌類原來可以令湯底變得咁清甜。上完湯底立即上左個海鮮拼盤，拼盤有沙白、大蜆、海蝦、鮑魚、脆肉鯇魚片，種類多又新鮮；跟著仲有一盤日本刺身，三文魚、北寄貝、希靈魚、赤蝦大得誇張，仲有一碟新鮮牛脛脊。除了這幾碟外，仲有一整版配料任君選擇，應有盡有。另外，自助區有幾十樣熟食、火鍋配料、點心、甜品、沙律、壽司、飲品，有選擇困難症的朋友一定會好頭痛吧。