屋台屋 (Closed)

依間屋台屋，十幾年前我仲讀緊小學個陣已經見到，到依家十幾年後仲係到! 因為以前間小學就向隔離，所以我記得依間鋪門口出面永遠都掛住D紅色燈籠係到!記得小學個陣同屋企人食過一次，但個陣太細個啦...都唔記得左食過D咩今晚同媽媽落左黎食，經過十幾年...一定有裝修過，環境都算大，都唔錯，只係感覺好似黑左一點..1. 串燒拼盤 (有10串) (送Asahi啤酒一枝) ($1XX) - 有鹽燒白鱔, 鹽燒雞翼, 燒雞胸軟骨, 燒骨肉腸, 七味燒雞腎, 汁燒免治雞肉 (其他唔記得係咩). 個鹽燒白鱔幾好食，皮燒得好脆，好似薯片咁，鱔唔會話鞋曬，好好味! 鹽燒雞翼...都整得幾好 其他個D我覺得都係一般般，大部份都係雞...同埋個D唔知咩軟骨, 佢有幾隻..好難咬, 感覺好唔消化啊 所以..我諗大家可以散叫會好一點2. 日本蓄茄茸湯蟹肉什菜拉麵 - 好大碗啊，一個女仔係食唔曬的，同埋好足料! 什菜新鮮同埋非常多，拉麵幾有口感亦多。湯底一點都唔油，幾有蓄茄味，正! 3. 炸軟殼蟹 - 好細件，睇個樣已經覺得唔好食...食落去..真係唔好食啊..好林..無咩肉咁，出面好多平