尚上下夏 - 養生雞煲火鍋 (Closed)

今日難得收早，加上又出咗糧就應該要食好東西嘅時候，今次去到佐敦山林道食雞煲打邊爐，呢一樣嘢我一直都好想試，去到店舖裏面好友大排檔嘅風味，我哋點咗半隻小辣嘅雞件，隻雞嚟到好香口啲味道加上秘製辣汁簡直係冇得彈越食越刺激，食完個雞煲之後就開始點打邊爐嘅用了，我哋點咗手切本地肥牛，有我最愛嘅響鈴，墨魚滑，四保貢丸，豬肉水餃，油炸鬼配墨魚，加上雞湯配雞煲嘅醬汁再打邊爐簡直係冇得彈，而肥牛大概30秒都已經好好食，水餃正常發揮，而貢丸方面粒粒都好彈呀加上醬汁個味更加豐富，而響鈴方便佢哋係職場新鮮炸嘅已經好脆口，大概30秒已經好好食，飲品方便我哋點咗王老吉同埋可樂，而家呢度嘅環境好適合大排檔嘅風格，朋友聚首一堂傾偈就最好不過。