Video
Read full review
2020-07-06
2279 views
同先生喺黃金買完新玩具，打算食埋晚飯先返去，點知想食嘅餐廳一係冇開，一係就大排長龍，等到氣餒嘅我哋最終決定是但搵間餐廳食少少嘢就算，省卻麻煩。大家食主打平價粉麵飯，好多年前食過一次，時移世易，當年以廉價作招徠嘅平民美食現今亦已經漲價不少，唯一不變嘅係老舊嘅裝修同繁複凌亂嘅點餐紙，麵餐嘅名更加係有少少突兀。「三餸麵2」有豬油渣、過山雞同炸雞翼，而且份量唔少，湯底方面我揀咗麻辣，味道濃郁而且層次豐富，作為成碗米線嘅靈魂，絕對合格。豬油渣同想像中有啲出入，本應炸得香脆可口，咬落有油香，即使浸咗落湯底，都應該帶少許咬口，但呢度嘅豬油渣口感太過軟爛，風味盡失。過山雞比一般嘅滑雞嫩滑入味，而且唔會有好重嘅雪雞味，唔錯。炸雞翼有三隻咁多，實在意想不到，可惜偏細隻同炸得略嫌乾身咗少少。先生揀嘅自選百搭麵配料有蘿蔔牛腩同炸豬扒，麵底廿一蚊，酸辣湯底再加四蚊，感覺我嘅麵餐性價比高少少。酸辣湯底味道比較淡，麻辣湯底相對比較惹味，牛腩燜得唔算軟腍，但尚算入味，白蘿蔔比較清淡，而且份量亦好少。炸豬扒外皮鬆脆，味道唔錯，但略嫌薄咗少少，如果厚返啲口感會更好。飲品方面有懷舊嘅玻璃樽裝可樂，價錢亦唔算貴。上哂菜之後先
大家食主打平價粉麵飯，好多年前食過一次，時移世易，當年以廉價作招徠嘅平民美食現今亦已經漲價不少，唯一不變嘅係老舊嘅裝修同繁複凌亂嘅點餐紙，麵餐嘅名更加係有少少突兀。
三餸麵2
$50
140 views
0 likes
0 comments
「三餸麵2」有豬油渣、過山雞同炸雞翼，而且份量唔少，湯底方面我揀咗麻辣，味道濃郁而且層次豐富，作為成碗米線嘅靈魂，絕對合格。
三餸麵2
$50
92 views
0 likes
0 comments
豬油渣同想像中有啲出入，本應炸得香脆可口，咬落有油香，即使浸咗落湯底，都應該帶少許咬口，但呢度嘅豬油渣口感太過軟爛，風味盡失。
三餸麵2
$50
81 views
0 likes
0 comments
過山雞比一般嘅滑雞嫩滑入味，而且唔會有好重嘅雪雞味，唔錯。
三餸麵2
$50
65 views
0 likes
0 comments
炸雞翼有三隻咁多，實在意想不到，可惜偏細隻同炸得略嫌乾身咗少少。
炸豬扒蘿蔔牛腩酸辣米線
$44
150 views
0 likes
0 comments
先生揀嘅自選百搭麵配料有蘿蔔牛腩同炸豬扒，麵底廿一蚊，酸辣湯底再加四蚊，感覺我嘅麵餐性價比高少少。酸辣湯底味道比較淡，麻辣湯底相對比較惹味，牛腩燜得唔算軟腍，但尚算入味，白蘿蔔比較清淡，而且份量亦好少。
炸豬扒蘿蔔牛腩酸辣米線
$44
104 views
0 likes
0 comments
炸豬扒外皮鬆脆，味道唔錯，但略嫌薄咗少少，如果厚返啲口感會更好。
飲品方面有懷舊嘅玻璃樽裝可樂，價錢亦唔算貴。
上哂菜之後先發現原來可以加辣菜脯，可能做慣熟客生意，店員亦冇特意問，下次一定要試下。餐廳嘅食物味道可以，但衛生情況有待改善，食物上枱嘅時候碗碟依然濕濕哋，感覺唔係咁好，同時亦建議可以重新設計點餐紙，簡化冗亂嘅内容，方便客人點餐。時代進步，餐廳亦應該與時並進，諗一諗如何優化，唔能夠一直原地踏步。
Post
