喵星球 (Closed)

之前想去貓cafe玩下貓貓，朋友帶我上去。佢成日都會搵唔同貓狗cafe去玩，因為自己屋企唔養得，唯有去cafe同佢地接觸下啦。喵星球係朋友去過話最多貓嘅一間cafe,大概有10隻以上嘅貓貓，咩野品種都有，長毛短毛都有。雖然cafe冇熟食，但係就包飲品，可以揀和式花茶/汽水果汁。$108當入場費送飲品其實好抵。我地揀左茶，全天然水果茶，雖然同我想像唔同，不過味道都係清新，乾果浸軟左之後好好食,有驚喜。Cafe 環境好好，好新，好多比貓玩嘅設施。貓貓有好充足嘅空間去玩同休息。亦有位置比我地放袋，唔怕比貓貓找到。每隻貓貓都好靚好乾淨，我地上去咁岩都撞正店主帶貓貓出去沖涼。雖然貓貓唔係好肯同人影相，不過唔會唔比你摸，唔會隻隻瞓晒覺，隻隻都好精靈周圍行，食野飲水，玩玩具。店家仲提供即影即有比我地同貓貓影，影到同貓貓合照$10完全唔貴。Cafe仲有個corner放左好多貓貓精品，postcard等等，仲有手作。呢隻灰灰係產品sale,成日企係到做生招牌😂Cafe 仲有會員制，去一次有一個印，去夠十次就free一次，咁可愛貓貓好易去夠10次啦。