Video
Read full review
2017-11-09
181 views
今日慶祝同男朋友嘅紀念日，特登book咗去食放題。哩間野幾次係旺角行過見到，今日就一於試下！因為我地有預約嘅關係，佢送咗一張訂座優惠嘅紙，有得揀海膽刺身、鵝肝多士、DIY章魚小丸子等等，我地就叫咗海膽同埋小丸子。海膽份量好足，好鮮甜。而小丸子好有趣，佢係有服務員即場係我地張枱度整小丸子，服務貼心。佢仲有幾支醬汁俾我地為小丸子調味，我仲同男朋友鬥整得靚添哈哈！我作為生蠔的忠粉，就一定要食升級料理！任叫生蠔真係好吸引啊！哩度嘅生蠔都算大隻飽滿，上面鋪少量葱花，夾埋好fresh!我自己中意落少少茄汁，個種口感係好juicy好滑，十級推薦大家要升級！食放題當然少不了食刺身！佢啲刺身都幾新鮮，尤其三文魚，厚厚一塊咬落去係好有口感，加上少少肥膏，融係口入面，好正。仲有虎蝦也是我最愛之一，真係幾甜，肉質咬落去有少少爽口唔會太過軟，幾新鮮，中意食蝦嘅朋友不能錯過！哩個真係食咗幾轉都未厭！熟食方面，我自己覺得燒牛舌同天婦羅值得一試。牛舌調味鹹度適中，有少少孜然粉，成件事好香好吸引！牛舌仲要好爽口，食上癮。天婦羅係好多人嘅最愛，佢哩度嘅天婦羅都唔細隻，炸得香脆，入面嘅蝦仲好香口，不能錯過之選。最後梗係要
因為我地有預約嘅關係，佢送咗一張訂座優惠嘅紙，有得揀海膽刺身、鵝肝多士、DIY章魚小丸子等等，我地就叫咗海膽同埋小丸子。海膽份量好足，好鮮甜。而小丸子好有趣，佢係有服務員即場係我地張枱度整小丸子，服務貼心。佢仲有幾支醬汁俾我地為小丸子調味，我仲同男朋友鬥整得靚添哈哈！
我作為生蠔的忠粉，就一定要食升級料理！任叫生蠔真係好吸引啊！哩度嘅生蠔都算大隻飽滿，上面鋪少量葱花，夾埋好fresh!我自己中意落少少茄汁，個種口感係好juicy好滑，十級推薦大家要升級！
食放題當然少不了食刺身！佢啲刺身都幾新鮮，尤其三文魚，厚厚一塊咬落去係好有口感，加上少少肥膏，融係口入面，好正。仲有虎蝦也是我最愛之一，真係幾甜，肉質咬落去有少少爽口唔會太過軟，幾新鮮，中意食蝦嘅朋友不能錯過！哩個真係食咗幾轉都未厭！
熟食方面，我自己覺得燒牛舌同天婦羅值得一試。牛舌調味鹹度適中，有少少孜然粉，成件事好香好吸引！牛舌仲要好爽口，食上癮。天婦羅係好多人嘅最愛，佢哩度嘅天婦羅都唔細隻，炸得香脆，入面嘅蝦仲好香口，不能錯過之選。
最後梗係要食甜品，我試咗佢嘅心太軟同埋紅豆布丁。心太軟細細一碟，甜度啱啱好唔會太漏，隔離仲有生果可以中和甜味。布丁奶香十足，好幼滑，我食咗兩個添呀。
今次係大滿足！價錢唔太貴但食到好多自己中意嘅野食，哩間已變成我自己嘅放題首選。
Post
