Angry Oppa Restaurant & Bar (Closed)

早排看到朋友來這裡打卡，盛讚個熔岩比薩好正好特別，就bookmark左要齊齊去食～今次去到，覺得環境非常不錯，店面細細，但燈光柔和，木桌木椅配上水泥裝修，坐得舒服又放鬆！——————————🔸大醬五花肉熔岩比薩 $198韓國人極愛芝士，芝士迷去韓餐覓食就啱喇！這款Pizza不只外圍，連麵皮間都夾雜大量芝士，極度拉絲，十級邪惡～大醬五花肉好香，肉片份量亦可以，但大醬偏鹹，配芝士更是鹹上加鹹，下次建議點大蝦或雞肉味～🔹牛肉湯鍋 $99 （追加$20配魚糕）湯鍋類似台式小火鍋，不過湯底是牛骨湯，清淡又鮮味，比台式的更易入口。牛肉及菜比例約是1:1，有菇菌、紅蘿蔔、翠玉瓜等，還有彈牙的年糕，同行朋友特地加配魚糕，但略嫌鬆散，口感麻麻。🔸韓國傳統金便當 $129.9大推！味道正宗，基本上與當地的味道一模一樣！傳統便當有泡菜、韓國腸仔、煎蛋、小魚乾及紫菜，蓋上蓋子後搖勻，好惹味～老實講，全部都是平民料，但勝在味道夾，令人一口接一口！🔹韓式蒸餃子 $48每隻都足料飽滿，漲卜卜，好抵食！蘸上特製醬油，就更加鮮美！