Video
Read full review
2021-10-02
432 views
十一長假期第二晚出街揾食，銅鑼灣周圍都係人，無可奈何之下去左呢間名店坊嘅千両，因為最快有位。好彩可以用App攞飛，差唔多到先黎。餐牌好多野食揀，有刺身，多款壽司，軍艦，卷物，手卷，壽司拼盤，前菜，輕食，一品料理，燒物，炸物，煮物，汁物，串燒，海鮮丼同甜品。見到呢個當店限定既職人特選晚膳，$488另加一，馬上決定試試。職人特選晚膳包前菜，刺身，職人壽司5點，熱食，湯，同甜品。前菜係兩塊凍八爪魚片配少少秋葵同海藻，加左醋，味道好清新酸咪咪。八爪魚整得完全唔韌，唔錯。刺身賣相唔錯。有油甘魚同血鯛各2片，血鯛上面加左少少三文魚籽，同1舊火炙拖羅。刺身質素可以，不過拖羅有啲韌，麻麻哋。職人壽司5點係（左起）平目配鱈魚肝醬，紋甲墨魚配烏魚子，炙燒特大珍寶帶子，馬糞海膽配慢煮龍蝦，大吞拿魚腩配馬糞海膽。平目配鱈魚肝醬寫明日本直送，雖然食材好似幾特別，味道其實唔多突出，冇乜特別。紋甲墨魚配烏魚子既紋甲墨魚好特別，好爽口而質感好特別，可惜味道唔夠鮮。烏魚子就太少，味道唔出。炙燒特大珍寶帶子寫明北海道產，另上一塊紫菜俾你包住食。帶子果然好厚身，食落啖啖肉，略嫌味道冇乜特別，如果可以加啲黑松露仲正。馬糞海膽
餐牌好多野食揀，有刺身，多款壽司，軍艦，卷物，手卷，壽司拼盤，前菜，輕食，一品料理，燒物，炸物，煮物，汁物，串燒，海鮮丼同甜品。
見到呢個當店限定既職人特選晚膳，$488另加一，馬上決定試試。
職人特選晚膳包前菜，刺身，職人壽司5點，熱食，湯，同甜品。
前菜係兩塊凍八爪魚片配少少秋葵同海藻，加左醋，味道好清新酸咪咪。八爪魚整得完全唔韌，唔錯。
前菜
12 views
0 likes
0 comments
刺身賣相唔錯。有油甘魚同血鯛各2片，血鯛上面加左少少三文魚籽，同1舊火炙拖羅。刺身質素可以，不過拖羅有啲韌，麻麻哋。
刺身
6 views
0 likes
0 comments
職人壽司5點係（左起）平目配鱈魚肝醬，紋甲墨魚配烏魚子，炙燒特大珍寶帶子，馬糞海膽配慢煮龍蝦，大吞拿魚腩配馬糞海膽。
職人壽司5點
12 views
0 likes
0 comments
平目配鱈魚肝醬寫明日本直送，雖然食材好似幾特別，味道其實唔多突出，冇乜特別。紋甲墨魚配烏魚子既紋甲墨魚好特別，好爽口而質感好特別，可惜味道唔夠鮮。烏魚子就太少，味道唔出。炙燒特大珍寶帶子寫明北海道產，另上一塊紫菜俾你包住食。帶子果然好厚身，食落啖啖肉，略嫌味道冇乜特別，如果可以加啲黑松露仲正。馬糞海膽配慢煮龍蝦好新鮮爽脆，不過龍蝦味唔多夠。馬糞海膽寫明日本直送海膽，當然鮮甜creamy無腥味，上面仲加左幾粒三文魚籽。大吞拿魚腩配馬糞海膽上面加左魚子醬，大吞拿魚腩就冇乜特別。壽司寫明用宮城縣米整。總括而言，壽司真係夠特別，出面少食到，不過味道其實唔係太突出。
職人壽司5點
1 views
0 likes
0 comments
職人壽司5點
10 views
0 likes
0 comments
熱食係燒油甘魚。燒得皮脆肉香，不過嫌唔夠嫩滑同肉太薄，魚味唔出。伴碟有一塊青檸同一條酸薑芽。
熱食
6 views
0 likes
0 comments
湯用一個茶壺上。原來係將個蓋反轉當杯仔裝湯飲。個湯好清甜，入面有連殼蜆兩隻，帆立貝仔一隻同蝦一隻，質素中上，另外仲有蟹味菇同2片香菜。個湯本身真係好正，完全唔需要青檸調味。
湯
1 views
0 likes
0 comments
湯
0 views
0 likes
0 comments
甜品係綠茶雪糕配紅豆同丸子。綠茶雪糕融融哋，不過都夠滑嘅，配紅豆蓉不嬲都係絕配。丸子就冇味，好似浸左水咁，棄之可惜。
甜品
6 views
0 likes
0 comments
總括而言，呢個職人特選晚膳都算合格，可以一試。
另外當然再叫左其他野食。
極上壽司拼盤
$278
7 views
0 likes
0 comments
極上壽司拼盤 $278 另加一
極上壽司拼盤
$278
2 views
0 likes
0 comments
極上壽司拼盤有（左上起）海膽，三文魚籽，玉子，鯛魚，帶子兩件，赤海蝦，油甘魚，三文魚腩，左口魚裙邊，中拖羅，同大拖羅。海膽鮮甜creamy無腥味。玉子係暖架，算唔錯架啦。帶子鮮甜啖啖肉。赤海蝦鮮甜夠厚肉。三文魚腩太肥。中拖羅同大拖羅完全冇筋。總括而言，質素算唔錯，當然一分錢一分貨，呢個價錢絕對唔平。
燒羊架配柚子胡椒
$136
0 views
0 likes
0 comments
燒羊架配柚子胡椒 $68 另加一
見羊架價錢唔貴就叫左兩件試吓，每件$68，原來羊架唔係好大件。雖然燒到熟哂，不過都算嫩口，但係唔係特別好好食咁。餐牌寫明係紐西蘭。伴碟有好鹹嘅柚子胡椒同檸檬一片。
牛肉豆腐鍋
$88
1 views
0 likes
0 comments
牛肉豆腐鍋 $88 另加一
牛肉豆腐鍋既肥牛超肥，都冇乜肉食嘅，唔得喎。湯底係清湯底，不過都好油膩。豆腐同冬菇各3舊，豆腐大大件，質素唔錯，冬菇可以。另外有少少旺菜同大量滑溜透明粉條，收呢個價錢貴得滯。
三文魚籽軍艦 $46 另加一
三文魚籽軍艦一客兩件，我無食到。
雪糕最中餅 $48 另加一
雪糕最中餅
$48
1 views
0 likes
0 comments
雪糕最中餅其實係糯米粉整嘅脆薄餅殼，包住一個雪糕球。雪糕口味可以揀黑芝麻，紅豆，雲呢拿，或者抹茶。餅殼真係好脆。黑芝麻雪糕好正，又滑又香濃，而且仲有粒粒黑芝麻咬吓。伴碟仲有兩粒丸子同少少紅豆粒。丸子一樣唔得。
今餐有好有唔好，不過都算好多過唔好。Given個價錢，比個OK啦。
Post
