御品千の味刺身壽司專門店 (海寶花園) (Closed)

今日家姐個仔生日，所以叫咗啲小學同學黎屋企玩同慶祝，到晚飯時間要諗食咩嗰陣時，大家第一時間就諗起叫外賣，因為又方便食又唔使洗碗，而且價錢亦唔貴。通常大食會外賣都係以 Pizza 同壽司為主，親戚話食元氣食到有啲悶，所以我就推介佢試吓千之味壽司。因為今次都有啲小朋友，所以都叫咗啲小朋友可以食到嘅壽司，例如玉子壽司、腐皮壽司、八爪魚壽司，另外叫咗一份小食拼盤試吓，之前未試過。小食拼盤份量比我想像中多 😍 朋友一路食一路話壽司啲餡重多過啲飯，不停食不停讚 🤣 不過我自己都覺得係高質嘅。總共四大盆都係 $1200 左右，朋友都話千之味好抵食又好食。